تطورات الحرب في منطقة غرب آسيا وسلامة بحارتنا تحية طيبة لكل أعضاء اتحاد البحارة الإريتريين المنتشرين في جميع أنحاء العالم، ولمتابعي شؤون البحر الأحمر المهتمين. لا تزال الحرب في غرب آسيا بين الولايات المتحدة وإسرائيل وإيران تسبب دماراً واسعاً ومستمراً. وفي إطار التحركات الواسعة التي يقوم بها اتحاد البحارة الإريتري ليكون صوتاً لبحارته، نقدّم لكم […]

ሰላም ዝኸበርኩም ኣብ መላእ ዓለም ተዘርጊሕኩም ትርከቡ ኣባላት ማሕበር ባሕረኛታት ኤርትራ ከምኡ እውን ተኸታተልቲ ግዱሳት ጉዳያት ቀይሕ ባሕሪ። ኩናት ምዕራብ ኤስያ ኣብ ሞንጎ ኣሜሪካን እስራኤልን ኢራንን ካብ ዝውላዕ ሰፊሕ ዕንወት እናወረደ ኣብ ምቕጻል ይርከብ። ማሕበር ባሕረኛታት ኤርትራ ድምጺ ባሕረኛታቱ ንምዃን ኣብ ዝገብሮ ዘሎ ሰፊሕ ምንቅስቓስ፣ ኣቦ ወንበር ማሕበር ባሕረኛታት ኤርትራ ቺፍ ኢንጂነር ፓውሎ ኣንቶንዮ ንህሉው […]

Greetings to all members of the Eritrean Seaman Union (ESU) across the globe and to those following the critical issues of the Red Sea. The conflict in West Asia involving the United States/Israel, and Iran continues to escalate, causing widespread disruption. As part of our ongoing efforts to serve as a voice for our seafarers, […]

ቦርድ ዳይረክተራት ማሕበር ባሕሬኛታት ኤርትራ ንህዝብታትን ተቀማጦን ዞባ ወሽመጥ ዓረብን ፐርሽያን ብሰሪ ኩናትን ሳዕቤናቱን ብዝወርደኩም ዘሎ ጉድኣት ዘለና ልባዊ ድንጋጸ ንገልጽ። ኩሎም በዚ ዝተጎድኡ ኣህዛብ ቅልጡፍ ሕውየትን ጽገናንን ብዘለዎ ሰላምን ምርግጋእን ክወርዶም ሰናይ ምንዮትና ንገልጽ።  እዚ ኣብ መላእ ግዝኣታዊ ማያት ምዕራብ ኤስያ ኣስፋሕፊሑ ዝርከብ ኩናት ዘይተገመተን ብዙሕ ዕንወት ኣውሪዱን እናውረደ ይከይድ ብምህላዉ ቦርድ ማሕበር ባሕሬኛታት ኤርትራ ከም ኩሉ ኣብቲ ዞባ ዝርከቦ ሞያውያን ማሕበራት ብዉሕስነት ባሕሬኛታቱ ስክፍትኡ እናዓበየ ብምካዱ እዚ ዝስዕብ መግለጺ የውጽእ።  ማሕበር ባሕሬኛታት ኤርትራ ንኩሎም ባሕሬኛታት እቲ ዞባ ብሓፈሻ ንኤርትራውያን ኣባላት ማሕበር ድማ ብቀንዱ ኣብ ከምዚ ተሃዋሲ ኩነታት ንባሕሬኛታት ድምጺ ብሙካን ኩነታቶም ኣብ ምክትታል ይርከብ።  ባሕረኛታት ዓንዲ ሕቆ ዓለማዊ ስለ ዝኮነ ድማ መሰላቶምን ድሕንነቶምን ብዓለምለኻዊ ሕጊ ሞጋዓዝያ ባሕሪ ዝተረጋገጸ እዩ። እዚ ድማ ብናይ ሕቡራት ሃገራት ውዕል ዕዮ ባሕሪ (MLC 2006)ን SOLASን ሓዊሱ፣ ብፍሉይ ንኣብ ልዑል ሓደጋ ዘለዎ ከባቢታት ናይ ግጭት ዝጣበቅ እዩ።  ኣብዚ እዋን’ዚ ኤርትራውያን ዜጋታት ዝርከብዎም ኣሽሓት ዓለምለኻውያን ባሕረኛታት ኣብ ወሽመጥ ዓረብ ኣብ ትሕቲ ሓደገኛ ኩነታት ይርከቡ። ብዙሓት ኤርትራዉያን ባሕሬኛታት ካብ ዝነጥፍሉ ናይ  offshore supply ኮይኑ ኣብ ርእሲ እቲ ልዑል ሞያዊ ብቅዓት ዝሓትት ሙካኑ ጥራይ ዘይኮነ ንጥፈታቶም ንሓደጋ ዝተቃሎዐ ዉን ሙካኑ እዩ። መሳሌጣታት ንምዉጻእ ነዳዲ ባሕሪ በዞም ባሕሬኛታት ዝካየድ ብሙካኑ በዚ ኩናት ምዕራብ ኤስያ ካብቶም ብልዑል ተቃላዕቲ ኮይኖም ዝርከቡ እዮም። ባህሪ ስርሕ እዞም ባሕሬኛታት ዘይከም እቶም ካልኦት ባሕሬኛታትን ሓደጋ ንምቅናስ መስመር ጉዕዞ ክቅይሩ ኣይካሉን፣ ከባቢታት ንጥፈታት ስራሕ ብቀሊሉ ከግዕዙን ክቅይሩ ኣይክእሉን ብሙካኖም ድርብ ወጽዓን ጾርን የጋጥሞምን ተቓላዕቲ ይገብሮም ብምህላዉ ማባኤ ዓቢ ስክፍታ ፈጢሩሉ ይርከብ። ምስ ዘሎ ህሉው ኩነታት ምዕጻው ወደባትን ናይ ስርሒት ገደብን ንቡር ምዝውዋር ሰራሕተኛታት ዳርጋ ዘይከኣል ብምግባር ብዙሓት ሰራሕተኛታት ተነጺሎምን ኣብ ትሕቲ ጸቕጢ ክሰርሑ ተገዲዶም ይርከቡ።   እዚ ህሉው ኩነታት ንቡዙሕ ዝጸለወ ኮይኑ ገና ብሕጂ ኣንፈቱ ዘይተገማቲ ኮይኑ ኣብ ዝቅጽለሉ ዘሎ ህሞት ማሕበር ባሕሬኛታት ኤርትራ እዚ ኩነታት ንዞባና ዞባ ቀይሕ ባሕሪ ከይጸልዎ ዓቢ ስክፍታ ካብ ዘሕደረሉ ዉን እዩ። እቲ ድሮ ወጥሪ ካብ ዝሰፍኖ ነዊሕ ዘቁጸረ ዞባ ቀይሕ ባሕሪ ብረብሓ ጂኦፖለቲክስ ዓበይቲ ሃገራት ብመገዲ ሃገራት እቲ ዞባ ካእል ቅልዉላው ከይፍጠር ይፍራሕ ምህላዉ ንዕዘቦ ዘለና እዩ። እዚ ድማ ነቲ መሰረታዊ ጂኦፖለቲካዊ ጸቕጥታት እናሓየለ ስትራተጂካዊ ሓደጋታት ዝያዳ ከጋድዶ ብምግባር እዩ። ኣብ ከባቢ ከም መጻብቦ ሆርሙዝ ዝኣመሰሉ ዓበይቲ ናይ ባሕሪ ምሕንካኽ ነጥብታት ዝረአ ዘይምርግጋእ:ናብቶም ኣብ ዓለምና ኣዝዮም ተሃዋስያን ወሰንቲ መስመራት መራኽብ ዝኾኑ መጻብቦታት ቀይሕ ባሕር – መጻብቦ ባብ ኤል–ማንደብን ሓዊሱ ናብ ጎረባብቲ ከስፋሕፍሕ ልዑል ተክእሎታት ፈጢሩ ይርከብ።  ኣብዚ ድሮ ተበፃሕነት ቁልፊ መስመራት ባሕሪ ንናይ ተነሓናሕቲ ስትራተጂካዊ ረብሓታትን ጉዳይ ኮይኑ ዘሎ ኩነታት ተወሳኺ ዘይምርግጋእ ምዕራብ ኤስያ ነዚ ጸቕጢ ​​ከጋድዶ ይኽእል፣ ንጸጥታ ባሕሪ ተወሳኺ ብድሆታት ክቅጽል፣ ዓለማዊ ቀረብ ሰንሰለት ምዝራግ ክቅጽል፣ ከምኡ’ውን ተቓላዕነት ባሕረኛታት፣ ማሕበረሰባት ገማግም ባሕርን ከባቢታት ባሕርን ክውስኽ እዩ። እዚ ኣሉታዊ ምዕባለታት እዚ  ንምክልኻልን ንኹሉ ውሑስ ብዝገብር መስመር ንግዲ መራክብ ንምርግጋጽን ዝተዋደደ ኣህጉራዊ ስጉምቲ ብህጹጽ ከምዘድሊ ዘጉልሕ እዩ። በዚ ኣጋጣሚ ማሕበር ባሕሬኛታት ኤርትራ ንመንግስታትን ዘይመንግስታዉያን ትካላት መስመር ንግዲ ባሕሪ ኮነ ናይ ሕቡራት ሃገራት ትካላት ማሕበራት ሰራሕቴኛታትን ዕዮ ባሕርን እዚ ዝስዕብ ጻዊዒት የቅርብ፣   ድሕነትንምክልኻልን ባሕረኛታት ምርግጋጽ፣ ውሑስ ምዝውዋር ባሕሬኛታት ኣድላዪ ኣብ ዝኾነሉ ምውጻእን ሓዊሱ መታትን ክካየድ እጃምኩም ክትፍጽሙ።  ብመሰረትኣህጉራዊ ሕጊ ባሕሪ ንመስመራት ሲቪላዉያን መራክብ ከም ዘባሃል ዘሎ ሓላዉ ክጅመር።  ኣብልዑል ሓደጋ ዘለዎም ዞባታት ንጥፈታት ባሕሪ ንምክልኻል ንጡፋት ስጉምትታት ክዉሰድ መሪሕ ተራ ክትጻወቱ።   ድሕነት ባሕረኛታት ምርግጋጽ ኣብ መላእ ዓለም ርጉእን ውሑስን ስርሓት መስመር ባሕሪ ንምዕቃብ መሰረታዊ እዩ። ቦርድ ዳይረክተራት ማሕበር ባሕሬኛታት ኤርትራ ምዕባለታት ብቐረባ ብምክትታል ንድሕነትን መሰላትን ኤርትራውያን ባሕረኛታት፡ ከምኡ’ውን ኣብ ዞባታት ወሽመጥን ቀይሕ ባሕርን ዝሰርሑ ኣህጉራውያን መሳርሕቶም ክጣበቕን ድምጺ ኣብ ምካንን ክቕጽል እዩ። ማሕበር ባሕረኛታት ኤርትራ ምስ ኣህጉራውያን ትካላት ባሕሪን ዝምልከቶም ኣካላትን ብምትሕብባር ንምስራሕ ቅሩብ ሙካኑ የረጋግጽ።  ብስም ቦርድ ዳይሬክተራት ማሕበር ባሕሬኛታት ኤርትራ  ፓውሎ ኣንቶንዮ ጎቫኒ  ፕረዝደንት  ማሕበር ባሕሬኛታት ኤርትራ